Buah polom di hutan jirat
Guguo subuah masak mongka
Olah kolom dunia akhirat
Di situ baru badan munyosa
Batang loso digiriek kumbang
Di dalam rimbo tulotaknyo
Kalau lah banyak doso botimbang
Ku norako badan tucampaknyo
Tahan pulakoik panjang tangkai
Tali boriman bingkeh bodompang
Tuntuik lah ilmu akan dipakai
Sukiro mati dapek ditumpang
Kain sulimuik dibaok mandi
Akan sulendang dibaok pulang
Tuntuik ilmu kan bekal mati
Horotu banyak tinga di urang
Padi bunamo lompok tangkai
Poisi kopuk di tongah ruang
Ilmu nan elok tolonglah pakai
Porangai buruk copek dibuang
Sokitulah timang dari kami
Lobieh dan kurang tolong maafkan
Itulah pintak pominta diri
Budayo kito jangan tingakan
Contoh Lirik II
Dijaja baru dikirai
Ijuk jangan dirontang lain
Diaja badan morosai
Isuk jangan tugamang lai
Guguo unak ditimpo alu
Tolang kuniang murobah mudo
Tiduo anak tiduolah dolu
Sapu koniang pojamkan mato
Buah bululuk buah bulungkang
Tanam tumiang di dalam padi
Bialah buruk tampak di urang
Omeh sumiang juo di kami
Dari Kusimang nak ku Bagan
Tubaok jareh alo-alo
Kolou tukonang untong di badan
Mungorobeh si aie mato
Kolou poi nak ku soborang
Baju boli nak bulanak boli
Kain panjang nak boli dolu
Kolou poilah nak korong urang
Ibu cari dosanak cari
Induk somang nak cari dolu
Kajang urang kajang bulipek
Kajang kito bongkuang pauh
Dagang urang dagang butompek
Dagang kito tobuang jauh
Batang delok batang piutah
Dikorek-korek dibuek titi
Elok-elok kaki mulangkah
Jorek soru podengan jurami
Batang sosopek batang kupadan
Tumbang turaok ka ulu longuh
Jangan diupek untong di badan
Baok bukojo busunggoh-sunggoh
Contoh Lirik III
Rumah godang buatok ijuk
Rambu tali kulindan pun tali
Koloulah godang anakku isuk
Ilmu cari nak kawan pun cari
